Магілёў. Прэтэндэнт у кандыдаты Мікалай Расюк застаўся без працы

2010 2010-03-07T09:03:02+0200 1970-01-01T03:00:00+0300 be http://spring96.org/files/images/sources/m_rasiuk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мікалай Расюк

Мікалай Расюк

Звальненне грамадскага актывіста было звязана са сканчэннем працоўнага кантракта, які з рабочым-будаўніком быў заключаны на год.

“Учора, - гаворыць Мікалай Расюк, - пасля працоўнага дня мне патэлефанавалі з аддзела кадраў і сказалі, што ў аўторак я магу прыходзіць за сваёй працоўнай кніжкай і што мне перавялі мой апошні заробак, які я магу зняць са сваёй пластыкавай карткі”.

Мікалай Расюк связвае сваё звальненне з палітычнай і грамадскай дзейнасцю.

“На працы я заўсёды змагаўся за правы працоўных, - гаворыць Мікалай, - бо будаўнічая галіна, гэта як раз тое месца дзе парушаюцца ўсе правы працоўных, а гэта і аплата працы і парушэнне тэхнікі бяспекі. Тут не працуюць ні законы, ні нарматыўна-тэхнічныя акты. Рабочыя працуюць як рабы па 10-12 гадзінаў замест агульнапрынятых васьмі, у замен на гэта начальства заплюшчвае вочы на п’янства рабочых”.

Сваё звальненне грамадскі актывіст збіраецца абскарджваць у суддзе.

“З усімі рабочымі быў заключаны кантракт на тры гады, - гаворыць Мікалай Расюк, - са мной жа – на адзін год. Я бачу ў гэтым праяву дыскрымінацыі. Я чалавек працавіты і маю шэраг узнагародаў і ўдзячнасцяў ад кіраўніцтва раённага і абласнога ўзроўня за сваю працу, а са мной вось так узялі і паступілі”.

Нагадаем, што Мікалай Расюк працаваў апошнія сем год электрыкам у ААТ “Лаўсанбуд” у будаўнічым ўпраўленні №129. За месяц да свайго звальнення ён атрымаў пісьмовае уведамлене аб тым, што з ім будзе расторгнуты працоўны кантракт.

Нягледзячы на пагрозу застацца без працы, ён працягнуў удзел у выбарчай кампаніі і зараз яго ініцыятыўная група працягвае збор подпісаў па вылучэнню яго кандыдатам у дэпутаты  ў гарадскі і абласны Саветы дэпутатаў.

Нагадаем, што Мікалай Расюк у 2007 годзе ўжо балатаваўся ў мясцовыя Саветы дэпутатаў. Тады, па афіцыйных звестках, ён набраў 32% галасоў выбаршчыкаў, што было адным з самых высокіх афіцыйных вынікаў прадстаўніка ад апазіцыі ў Беларусі. Пазней, у 2008 г Мікалай балатаваўся ў Палату Прадстаўнікоў НС РБ, дзе ягоным апанентам выступіў кандыдат ад улады Яўген Мельнікаў. У тым годзе па афіцыйных звестках актывіст набраў каля 20%.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international