Яшчэ аднаму актывісту Саюзу палякаў забаранілі выезд за мяжу
18.11.2005.
18 лістапада ў Шчучыне анулявалі штамп у пашпарце аб дазволе выезду ва ўсе краіны сьвету Веславу Кеўляку — намесьніку старшыні Саюзу палякаў Беларусі на чале з Анжалікай Борыс, якую не прызнаюць улады.Спадар Кеўляк прыехаў на чарговы допыт па справе аб запалохваньні дырэктара шчучынскага Дому польскага Віктара Богдана. У кабінэце сьледчага Андрэя Залогі знаходзілася супрацоўніца пашпартна-візавай службы, якая скасавала штамп. Веславу Кеўляку патлумачылі, што гэта зроблена праз тое, што ён зьяўляецца падазраваным па справе Богдана.
На допыт у Шчучын таксама прыехаў іншы намесьнік старшыні Саюзу палякаў Юзаф Пажэцкі. Яму забаранілі выезд за мяжу днямі, калі ён знаходзіўся на допыце ў абласной міліцыі, паведаміла “Радыё Свабода”.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
