Затрыманьні “зуброў” зьвязаныя з візітам Лукашэнкі ў Магілёў
18.11.2005.
Андрэя Палуду і Яўгена Суворава затрымалі 16 лістапада ўвечары ў Дзень салідарнасьці з палітзьняволенымі, якія разам з аднадумцамі вярталіся дахаты. Аўтамабіль "Форд" пры выезьдзе з Магілёва быў спынены супрацоўнікам аўтаінспекцыі. Маладыя людзі сьцьвярджаюць, што інспэктар заўважыў на заднім шкле аўтамабіля налепку "Пагоні". Двух з пяці зуброўцаў абвінавацілі ў тым, што нібыта яны абражалі міліцыянтаў, адмовіліся выконваць іхныя патрабаваньні. Андрэя Палуду і Яўгена Суворава павезьлі ў ізалятар часовага ўтрыманьня. Дзяжурны Ленінскага райаддзелу міліцыі адмовіўся камэнтаваць сітуацыю карэспандэнту радыё Свабода і наагул даваць хоць нейкую інфармацыю.Старшыня абласной філіі БНФ Рыгор Костусеў тлумачыць гэтыя дзеяньні міліцыі "візытам спадара Лукашэнкі".
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
