Збор подпісаў за вылучэнне Франака Вячоркі прайшоў без праблемаў

2010 2010-03-03T12:28:47+0200 1970-01-01T03:00:00+0300 be http://spring96.org/files/images/sources/f_viachorka_u_vojsku.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
фота svaboda.org

фота svaboda.org

Без  асаблівых праблемаў прайшоў  збор подпісаў па вылучэнні палітжаўнера Франака Вячоркі кандыдатам у Мазырскі раённы Савет дэпутатаў па Станцыённай выбарчай акрузе №25.  

Сябры ініцыятыўнай групы распавялі, што выбаршчыкі акругі, самі ці праз  сваякоў, знаёмых, дзяцей, што вучацца ў Менску, чулі пра Франака, яго “шлях у салдаты” і ахвотна ставілі свае подпісы. Хаця і не ўсе, некаторыя катэгарычна адмаўляліся.

З размоваў з выбаршчыкамі сябры ініцыятыўнай групы даведаліся, што мясцовае насельніцтва асабліва  цікавяць старыя праблемы – дарогі і праца. Мікрараён “Чыгуначны”, тэрыторыя якога належыць да Станцыённай выбарчай акругі №25, знаходзіцца на заходнім ускрайку Мазыра. Тут асноўным прадпрыемствам, дзе працавала большасць жыхароў мікрараёна,  было  і застаецца ААТ “Мазырдрэў”. Але ўжо некалькі апошніх год  яно знаходзіцца ў стадыі банкрутства. Таму праца ёсць не для ўсіх і не на поўны працоўны тыдзень.  

Выбаршчыкі асабліва заклапочаныя пытаннем  “дзе ўзяць грошы?” для вырашэння сваіх праблемаў. З іх словаў, сродкі, выдаткаваныя на будаўніцтва Лядовага палаца і спартыўна-гульнявыя віды спорту, а таксама тыя, што высвабадзіліся пасля зняцця чарнобыльскіх ільготаў з жыхароў Мазыра і пазбаўлення дзяцей бясплатных абедаў у дзіцячых садках і школах, неабходна накіраваць на мадэрнізацыю прадпрыемстваў, газіфікацыю дамоў і грунтоўнага, а не касметычнага,  рамонту дарог.

Ініцыятыўная група Франака Вячоркі рыхтуецца да падачы дакументаў на рэгістрацыю свайго вылучэнца ў кандыдаты, а таксама і да наступнага этапу выбарчай кампаніі – агітацыі.  

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international