КДБ завёў крымінальную справу на актывістку БХД з Бабруйску
КДБ выканаў сваю пагрозу супраць актывісткі Беларускай Хрысціянскай Дэмакратыі з Бабруйска, студэнткі Вольгі С’янавай за адмову супрацоўнічаць з ворганамі.
Вольга з’яўляецца сябрам ініцыятыўнай групы сваёй маці, Аляксандры С’янавай, якая ўдзельнічае ў кампаніі па выбарах у мясцовы савет ад БХД.
У студзені Вольгу выклікалі ў КДБ, цікавіліся БХД і патрабавалі супрацоўніцтва. Калі ж Вольга адмовілася ад супрацоўніцтва, ёй прыгразілі крыміналам. Пра тое, што на яе заведзена крымінальнай справа па 209 артыкуле (махлярства), дзяўчына даведалася, звярнуўшыся ў міліцыю пасля таго, як яе затрымалі памежнікі.
На мінулых выходных дзяўчына збіралася з'ездзіць у Кіеў, але беларускія памежнікі знялі яе на мяжы, заявіўшы, што Вольга мае адзнаку аб нявыездзе.
- Пакуль што дакладна нічога невядома, у міліцыі нам толькі сказалі, што на мяне заведзеная крымінальная справа па заяве супрацоўніка КДБ. Падрабязнасці і акалічнасці гэтай справы будзе высвятляць мой адвакат, - сказала Вольга С’янава прэсавай службе БХД.
