Бабруйск: Старшыня гарадскога выбаркаму “не гатовы адказваць” на пытанні

2010 2010-03-02T12:07:37+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Бабруйску змяніліся межы выбарчых акругаў. Іх зацвярджэнне адбылося на сесіі гарадскога Савета дэпутатаў яшчэ 21 снежня мінулага году. Тады неабходнасць зменаў патлумачылі будаўніцтвам новых мікрараёнаў і пераразмеркаваннем насельніцтва па тэрыторыі горада.  

Бабруйчанка Нэлі Паборцава, якая жадае балатавацца ў дэпутаты па выбарчай акрузе № 12, пасля гэтых зменаў не змагла самастойна разабрацца, якія ўчасткі ўваходзяць у яе акругу. Па дапамогу яна звярнулася да старшыні гарадской выбарчай камісіі Уладзіміра Вяткіна.

- Ён сказаў, што адбыліся змены і таму ён не гатовы мне адказваць. Параіў узяць газеты і самастойна разбірацца. Але я самастойна знайшла толькі адзін участак, а іншыя два шукаю дагэтуль, - распавяла Нэлі Паборцава. 

Падчас размовы з Уладзімірам Вяткіным жанчына ўдакладніла, калі можна будзе патэлефанаваць яму пазней. З яе словаў, ён адказаў, што і праз некалькі дзён наўрад ці дапаможа ёй у вырашэнні справы.   

“Праваабаронцы за свабодныя выбары”

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international