Газета "Наша Ніва" і іншыя недзяржаўныя выданьні таксама выдаленыя з падпіснога каталогу

2005 2005-11-16T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Чытачы газэты "Наша Ніва" ня змогуць падпісацца на дастаўку яе ў 2006 годзе поштай. Рэдакцыя высьветліла, што ў падпісным каталогу няма іхнага выданьня. У ім таксама няма і шэрагу недзяржаўных рэгіянальных газэтаў. Афіцыйных лістоў ад "Белпошты" аб скасаваньні дамовы на распаўсюд газэтаў рэдактары не атрымлівалі.

Рэдактар "Нашай Нівы" Андрэй Дынько даведаўся, што на газэту нельга падпісацца, ад чытачоў. На пошце насамрэч высьветлілася, што яе няма ў каталогу. Апроч "Нашай Нівы", з яго зьніклі рэгіянальныя недзяржаўныя выданьні "Газэта Слонімская", "Вольнае Глыбокае", "Витебский курьер", "Брестский курьер" і баранавіцкая газэта 2IntexPress".

Раней з каталёгу "Белпошты" зьніклі "Народная Воля", "Салідарнасць", "Згода" і маладэчанская "Рэгіянальная газэта".

Рэдакцыя "Нашай Нівы" не атрымала афіцыйнага папярэджаньня ад "Белпошты" пра скасаваньне дамовы на распаўсюд газэты.

Галоўны рэдактар "Нашай Нівы" Андрэй Дынько лічыць, што, калі газэты не будуць распаўсюджвацца праз "Белпошту", то гэта будзе злачынствам супраць беларускай культуры.

"Гэта сьведчыць аб тым, што ў краіне няма больш ніякіх правілаў і аб тым, што ў Беларусі больш ня можа быць свабодных выбараў. Таму, на маю думку, стратэгічна гэта моцна аслабляе сам рэжым. Што ж датычыць "Нашай Нівы", рэгіянальных газэтаў, то гэта яшчэ й культурнае злачынства. Беларуская прэса, беларускамоўныя выданьні, складаюць 10% ад усіх выданьняў, але яны складаюць 70% ад усіх забароненых выданьняў. Гэта вынішчэньне беларускай культуры", -- заявіў Андрэй Дынько "Радыё Свабода".

Газэта "Наша Ніва" мае інтэрнэт-старонку. Рэдакцыя не выключае, што наступным крокам улады паспрабуюць заблякаваць сайт газэты.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international