Кандыдат у дэпутаты Палаты прадстаўнікоў судзіцца з газетай "Бабруйскае жыццё"

2010 2010-02-23T17:47:32+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

19 лютага 2010 г. у cуде Бабруйска і Бабруйскага раёна прайшоў разгляд пазову, пададзенага супраць газеты "Бабруйскае жыццё", а таксама асобных грамадзянаў горада. Былы кандыдат у дэпутаты Палаты прадстаўнікоў Сяргей Еўдакімовіч вінаваціць выданне гарвыканкама ў знявазе яго гонару і годнасці і дамагаецца маральнай кампенсацыі на суму 25 мільёнаў беларускіх рублёў. Наступнае паседжанне суда адбудзецца 10 сакавіка 2010 г.

Актывіст балатаваўся па Бабруйска-Першамайскай выбарчай акрузе № 79 падчас парламенцкіх выбараў у 2008 г. Ён лічыць, што матэрыялы, надрукаваныя падчас выбарчай кампаніі ў газеце "Бабруйскае жыццё", утрымлівалі паклёп і абразы ў яго адрас, што паўплывала на ход і вынікі выбараў. Кандыдату спатрэбілася паўтары гады, каб давесці справу да суда. Гэтаму папярэднічала доўгая перапіска з рознымі інстанцыямі, скаргі ў МУС і пракуратуру і пяць пастановаў пра адмову ва ўзбуджэнні крымінальнай справы.

Тое, што у грамадскага актывіста з Бабруйска атрымалася давесці справа да суда, ужо можна назваць поспехам. Сяргей верыць, што ў яго атрымаецца пераканаць суд у сваёй праваце.

Нядаўна яшчэ адзін былы кандыдат у дэпутаты Палаты прадстаўнікоў Нацыянальнага Сходу, старшыня Свабоднага прафсаюзу Беларусі і Бабруйскага аб'яднання СПБ Міхась Кавалькоў звярнуўся са скаргай у суд г. Бабруйска. Ён сцвярджае, што газета "Бабруйскае жыццё" таксама змясціла паклёпніцкія звесткі пра яго, і патрабуе ўзбудзіць крымінальную справу супраць яе галоўнага рэдактара А. Казака. Юрысты Беларускага Хельсінкскага Камітэта аказваюць Міхасю Кавалькову прававую дапамогу.

"Праваабаронцы за свабодныя выбары"

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international