Глыбокае: намеціліся безальтэрнатыўныя акругі

У Глыбокім зарэгістраваныя 16 ініцыятыўных групаў па зборы подпісаў за магчымых кандыдатаў у мясцовы Савет. З гэтай колькасці  5 групаў прадстаўнікоў дэмакратычных сілаў.

Шляхам збору подпісаў будуць вылучацца трое сяброў  незарэгістраванай дагэтуль Беларускай Хрысціянскай Дэмакратыі, двое - Беларускай сацыял-дэмакратычнай партыі (Народная грамада), якую ўзначальвае Мікалай Статкевіч. Прастаўнікі іншых дэмакратычных партый і “Руху за Свабоду” ў Глыбокім плануюць удзельнічаць у назіранні за выбарамі і будуць спрабаваць увайсці ў склад участковых выбарчых камісій. Такім чынам, ажно ў трыццаці  акругах Глыбокага выбары ў мясцовыя Саветы будуць безальтэрнатыўнымі.

“Праваабаронцы за свабодныя выбары”