У Баранавічах улады запалохваюць моладзевых актывістаў

2005 2005-11-15T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

9 лістапада, напярэдадні прыезду Мілінкевіча, Баранавіцкі Малады фронт правёў невялікую акцыю па распаўсюду літаратуры сярод студэнтаў Баранавіцкага Дзяржаўнага Універсітэта. Былі раздадзеныя некалькі дзясяткаў газэтаў “Інфармацыйны бюлетэнь аб’яднаных дэмакратычных сілаў” №4 /кастрычнік, 2005.

На наступны дзень студэнты ўніверсітэту, якія зьяўляюцца сябрамі Мф, былі выкліканыя на размову ў дэканат. Марчык Сяржук, старшыня Баранавіцкага МФ, распавёў: “Раніцай 10-га лістапада, пасля першай паловы пары да мяне падыйшла выкладчыца і папрасіла зайсці ў дэканат. Я адразу зразумеў з-за чаго мяне выклікаюць. У кабінеце дэкана мяне чакала прарэктар па выхаваўчай працы. Яна адразу пачала з пытанняў: “Дзеля чаго я раздаваў газэты?”, “Адкуль я ўзяў такую іх колькасць?”, “Хто яшчэ з універсітэта займаўся распаўсюдам такой літаратуры?” “Хто і колькі нам за гэта плаціць?!!” і шмат-шмат іншых пытанняў на розныя тэмы. Калі шчыра, то я не зразумеў, дзеля чаго яна ў мяне гэта пытала, бо што б я не адказваў, яна ўсё-роўна мяне ня слухала і рабіла свае высновы. Пасля да прарэктара далучылася дэкан нашага факультэта. Цяпер ужо ў дваіх яны спрабавалі даведацца адказы на вышэйназваныя пытанні. Уся нашая размова (дзесці каля 45 хвілін) суправаджалася пагрозамі: маўляў, хутка сэсія і я, разам з маімі сябрамі, якія таксама займаліся распаўсюдам газэтаў, можам нават і не спадзявацца, што здамо іспыты. Акрамя таго яны пагражалі вялікімі цяжкасцямі на працы ў нашых бацькоў.
Пасля ўсіх размоваў дэкан выклікала майго бацьку ва ўніверсітэт. Ён пакуль не хадзіў, але, адчуваю, нічым добрым гэта запрашэнне ня скончыцца.”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international