viasna on patreon

Кандыдаты ў дэпутаты мясцовых Саветаў атрымаюць да 5 мінут бясплатнага эфіру на радыё

2010 2010-02-19T10:52:28+0200 1970-01-01T03:00:00+0300 be https://spring96.org/files/images/sources/radyjoefir.jpg

Кандыдаты ў дэпутаты мясцовых Саветаў атрымаюць да 5 мінут бясплатнага эфіру на радыё. Аб гэтым паведаміў 18 лютага сакратар Цэнтральнай камісіі па выбарах і правядзенню рэспубліканскіх рэферэндумаў Мікалай Лазавік на пасяджэнні ЦВК, перадае карэспандэнт БЕЛТА.

"Кандыдаты ў дэпутаты мясцовых Саветаў абласнога і базавага ўзроўняў атрымаюць па аднаму бясплатнаму выступленню па мясцовым радыёвяшчальным СМІ працягласцю да 5 мінут", - сказаў Мікалай Лазавік.

Кандыдаты ў дэпутаты Мінскага гарадскога і абласнога Савета дэпутатаў змогуць выступіць на радыёстанцыі "Сталіца", а кандыдаты ў дэпутаты іншых абласных Саветаў скарыстаюцца эфірам абласных тэлерадыёкампаній. Кандыдаты ў дэпутаты мясцовых Саветаў базавага ўзроўню выступяць у праграмах раённага або гарадскога радыё.

Кіраўніцтва радыёвяшчальных СМІ павінна падаць у выбаркамы агульны ліміт часу для кандыдатаў, а выбаркамы ў сваю чаргу па выніках жараб'ёўкі вызначаць час і дату эфіру.

Мікалай Лазавік адзначыў, што кожны з дэпутатаў самастойна вызначае змест свого выступлення.

Апошнія навіны

Партнёрства

Сяброўства