viasna on patreon

Збор актывістаў СПБ у Горадні завяршыўся без затрыманьняў

2010 2010-02-17T17:01:01+0200 1970-01-01T03:00:00+0300 be https://spring96.org/files/images/sources/zpb.jpg

Каля ста актывістаў непрызнанага ўладамі крыла Саюзу прыйшлі да спэцпрыёмніка на вуліцы Гая, каб выказаць падтрымку арыштаваным 15 лютага Анджэю Пачобуту, Мечыславу Яскевічу і Ігару Банцару.

За дзеяньнямі тых, хто сабраўся перад будынкам Кастрычніцкага райаддзелу ўнутраных спраў, сачылі міліцыянты. Яны папярэдзілі пра недапушчальнасьць мітынгу, але людзям не перашкаджалі.

Разам з сябрамі Саюзу палякаў да міліцыі прыйшоў ксёндз Аляксандар Шэмет. Ён наладзіў малебен у азначэньне так званай “папяльцовай серады” –апошняга дня перад постам у каталікоў.

Паводле нашага карэспандэнта ў Горадні, затрыманьняў падчас малебну не было, аднак, з улікам разьвязанай кампаніі супраць сябраў СПБ, нельга выключаць, што паляваньне не працягнецца ў пазьнейшы час.

Апошнія навіны

Партнёрства

Сяброўства