Гародня: Судовы абсурд

2010 2010-02-16T15:34:34+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гарадзенскі абласны суд сваім вызначэннем адмовіў у разглядзе скаргі Гродзенскай абласной арганізацыі партыі БСДГ.

Грамадоўцы скардзіліся на рашэнне прэзідыума Гарадзенскага абласнога Савету дэпутатаў і Гарадзенскага выканаўчага камітэту ад 8 лютага на неўключэнне іх прадстаўніка Уладзіміра Хільмановіча ў склад акруговай камісіі па Ліможскай выбарчай акрузе №6 Суддзя Людміла Малючок абгрунтавала такое рашэнне тым, што суд ужо разглядаў аналагічную скаргу Гарадзенскай арганізацыі БСДГ на неўключэнне яе прадстаўніка Віктара Сазонава ў склад тэрытарыяльнай выбарчай камісіі.

Гарадзенскія грамадоўцы перакананыя, што такое вызначэнне суду з’яўляецца незаконным і нават абсурдным, паколькі гутарка ідзе пра выбарчыя камісіі рознага роўню. Да таго ж скарга падавалася па факце неўключэння ў акруговую камісію зусім іншага актывіста БСДГ. Па меркаванні суду атрымваецца, што адно рашэнне суду на канкрэтным этапе выбарчага працэсу, забараняе разгляд у судовым парадку скаргаў іншага кшталту. Акрамя ўсяго ў скарзе змяшчалася просьба ў адпаведнасці з законам даць адказ на беларускай мове, што Гарадзенскі абласны суд не выканаў, даслаўшы сваё вызначэнне на рускай мове.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international