Орша: Інфармацыю аб выбарах улады прапануюць шукаць на сайце-невідзімцы

2010 2010-02-16T09:16:14+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

“Праваабаронцы за свабодныя выбары” ужо паведамлялі, што лідэры Аршанскіх палітычных партый звярталіся з скаргамі ў шэраг інстанцый з нагоды таго, што ім не было паведамлена пра час і месца сумеснага паседжання раённага выканкама і прэзідыўма раённага Савета дэпутатаў, на якім прымалася рашэнне аб фармаванні раённай тэрытарыяльнай камісіі па выбарах. Новаўвядзенні, прынятыя ў Выбарчы кодэкс, прадугледжваюць магчымасць тым арганізацыям, якія вылучылі сваіх прадстаўнікоў у склад камісій, прыняць удзел у такім паседжанні.

І вось атрыманы адказ ад Аршанскага райвыканкама, падпісаны намеснікам старшыні В.Хуцкім.

Як выцякае з гэтага адказу, аказваецца “інфармацыя пра месца і час правядзення сумеснага паседжання прэзідыўма Аршанскага раённага Савета дэпутатаў і Аршанскага раённага выканаўчага камітэта была размешчана 26 студзеня 2010 года на Інтэрнэт-сайце “Выбары-2010”. Пра тое, па якім адрасе ў інтэрнэце знаходзіцца гэты нікому дагэтуль невядомы сайт, не паведамляецца. Пакуль усе спробы пошуку такога інтэрнэт - рэсурсу поспехам не ўвянчаліся. Цалкам незразумела, як тыя арганізацыі, якія вырашылі прыняць удзел у выбарах, маглі здагадацца пра тое, што інфармацыю трэба шукаць на гэтым загадкавым сайце. Не валодаючы дарам яснабачання, зрабіць гэта цалкам немагчыма.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international