Суд над Алегам Сурганам перанесены

Судовае паседжаньне па крымінальнай справе рэгіянальнага актывіста Алега Сургана, што мелася адбыцца сёння, перанесена на заўтра ў сувязі з няяўкай сведкі з боку міліцыі. Ад 28 студзеня актывіст знаходзіцца ў СІЗА №2 Віцебска. 

Інцыдэнт, які разглядае суд, адбыўся яшчэ летась 3 верасня. Алега Сургана і яго малодшага брата Тараса міліцыянты затрымалі на прыпынку грамадскага транспарту каля медычнага ўніверсітэту, дзе быў вывешаны бел-чырвона-белы сцяг. У пратаколе, складзеным у Кастрычніцкім РАУС, было запісана, што Алег Сурган не падпарадкоўваўся міліцыянтам, а аднаго з іх укусіў за палец. Па словах затрыманага, першапачаткова складзены пратакол аб вывешванні бел-чырвона-белага сцяга некуды знік. А ў другім было запісана, што ён знаходзіўся ў грамадскім месцы ў нецьвярозым стане і нецэнзурна лаяўся, а таксама абражаў супрацоўнікаў міліцыі. 

Дагэтуль Алег Сурган ужо быў некалькі разоў асуджаны за крымінальныя злачынствы. Калі суд вырашыць, што Алег Сурган вінаваты ў нападзе на міліцыянта, яму пагражае да 6 год турмы.

Судовае паседжанне прызначана на 16 лютага, пачатак у 15.30.