Гарадзенскі абласны гаспадарчы суд пакінуў правамоцным рашэньне аб спагнаньні 12 мільёнаў рублёў зямельнага падатку з ваўкавыскага прадпрымальніка Мікалая Аўтуховіча

2005 2005-11-12T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

11 лістапада Гарадзенскі абласны гаспадарчы суд пакінуў правамоцным ранейшае рашэньне—аб спагнаньні 12 мільёнаў рублёў зямельнага падатку з ваўкавыскага прадпрымальніка Мікалая Аўтуховіча, які ўжо 28 дзён галадае ў турме на знак пратэсту, паведаміла радыё Свабода.

Апэляцыйную скаргу ад імя прадпрымальніка ў суд падаваў (па даверанасьці) юрыст Андрэй Кухцюк. Паводле яго, зараз застаецца яшчэ магчымасьць зьвярнуцца у Вышэйшы гаспадарчы суд.

Ваўкавыская падатковая інспэкцыя вырашыла, што Мікалай Аўтуховіч нібыта самавольна заняў зямлю побач са сваім офісам і жылым домам. З гэтай прычыны за мінулы год яму налічылі падатак за зямлю ў дзесяць разоў большы за звычайны — 14 мільёнаў рублёў, зь якіх 2 мільёны прадпрымальнік заплаціў. Цяпер зь яго спаганяюць астатнюю суму плюс паўтара мільёна рублёў пені.

Мікалай Аўтуховіч арыштаваны 14 кастрычніка, ён сядзіць у гарадзенскай турме па абвінавачаньні ў няўплаце падаткаў у асабліва буйным памеры — 679 мільёнаў рублёў. За гэтае яму пагражае зьняволеньне ад трох да сямі гадоў (артыкул 243, частка ІІ Крымінальнага кодэксу) з магчымай канфіскацыяй маёмасьці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international