У Гомелі журналістаў не пусцілі ў суд

2010 2010-02-12T18:05:00+0200 1970-01-01T03:00:00+0300 be http://spring96.org/files/images/sources/02465242_100.jpg

11 лютага карэспандэнту недзяржаўнага інфармагенцтва БелаПАН Анатолю Гатоўчыцу і незалежнаму журналісту Алегу Ражкову не дазволілі ўвайсці ў памяшканне суда Савецкага раёна Гомеля
з-за наяўнасці пры іх тэле- і фотаапаратуры. Інцыдэнт здарыўся перад пачаткам адкрытага судовага паседжання па справе прызыўніка Яўгена Якавенкі, які нібыта ўхіляўся ад службы ў войску.

Супрацоўнік аховы спыніў Алега Ражкова на ўваходзе ля паста рэгістрацыі, калі ўбачыў у руках журналіста штатыў для тэлекамеры. Дапамагчы калегу і высветліць законнасць такіх дзеянняў міліцыянта паспрабаваў Анатоль Гатоўчыц, але і яго самога ў выніку не прапусцілі, паколькі ён меў пры сабе фотаапарат.

Старшыня суда Аляксандр Кострыкаў, якому А. Гатоўчыц патэлефанаваў з вестыбюля будынку суда, назваў дзеянні ахоўнікаў правільнымі, бо міліцыянты, маўляў, дзейнічаюць на падставе інструкцыі.

У інструкцыі, на якую спаслаўся суддзя, паведамляецца, што «нараду міліцыі забараняецца дапускаць у будынак суда асоб з фота- і відэаапаратурай без узгаднення са старшынём суда альбо яго намеснікам». Зацвердзілі інструкцыю яшчэ ў 2006 годзе начальнік Савецкага аддзела (г. Гомеля) Дэпартамента аховы МУС Віктар Палазнік і старшыня Савецкага раённага суда Александр Кострыкаў.

У выніку А. Гатоўчыцу дазволілі прайсці ў залу суда толькі пасля таго, як ён пакінуў свой фотаапарат на ўваходзе А. Ражкову (камер для захоўвання рэчаў у памяшканні суда няма).

«Гэтая інструкцыя парушае нормы аб галоснасці судовай вытворчасці, вызначаныя Грамадзянска-працэсуальным і Крымінальна-працэсульным кодэксамі», — пракаментаваў інцыдэнт з гомельскімі журналістамі ў судзе намеснік старшыні БАЖ, юрыст Андрэй Бастунец.

Паводле гэтых кодэксаў, грамадзяне, прысутныя на адкрытым судовым паседжанні, маюць права весці пісьмовыя і магнітафонныя запісы. А фота-, кіна- і відэазапісы дапускаюцца з дазволу старшыні судовага паседжання і па згодзе бакоў, — звяртае ўвагу юрыст. — Але на практыцы інструкцыя прывяла да парушэння правоў журналістаў і заканадаўства аб СМІ.

Вось выпіска з гэтай інструкцыі:

Инструкция
об организации пропускного режима в здание суда

Наряду милиции запрещается

п.3. Допускать в здание суда лиц с фото- и видеоаппаратурой без согласования с председателем суда или его заместителем.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international