Актывістаў Саюза палякаў на Беларусі затрымалі напярэдадні суда і рыхтуюць новыя абвінавачанні (абноўлена)

2010 2010-02-15T14:24:00+0200 1970-01-01T03:00:00+0300 be http://spring96.org/files/images/sources/zpb.jpg

Як стала вядома, машыну, у якой ехаў Анджэй Пачобут, затрымалі 15 лютага ў раёне Іўя. Поводле міліцыянтаў, Пачобут нібыта нагадваў чалавека, які здзейсніў разбойны напад.

Аднак як расказаў “Салідарнасці” прэсавы сакратар СПБ Ігар Банцар, актывістаў збіраюцца судзіць за ўдзел у несанкцыяваным мітынгу – акцыі салідарнасці з палякамі Івянца, праведзенай 10 лютага ў Гродне.

– Зараз мяне будуць судзіць, – паведаміў Ігар Банцар. – Акурат знаёмлюся з матэрыяламі справы. Мяне абвінавачваюць ва ўдзеле у несанкцыяваным мітынгу, прычым за «паўторны ўдзел».

Адзначым, што актывіста СПБ затрымалі літаральна за паўтары гадзіны да суда, падчас якога мусіць вырашыцца лёс Дома польскага ў Івянцы.

– Калі нас не пасадзяць на суткі, адразу паедзем на суд у Валожын, – запэўніў Банцар.

Пазней стала вядома, што супрацоўнікі міліцыі затрымалі ў Івянцы таксама старшыню неафіцыйнага СПБ Анжаліку Борыс. Адтуль яе павезлі ў Валожынскі райаддзел міліцыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international