Барысаў: Выбаршчыкі застаюцца ў няведанні

Выбаршчыкам Барысаўскага раёна пакуль невядомы змест рашэння райвыканкама з нагоды забароны месцаў для пікетавання з мэтай збору подпісаў у падтрымку кандыдатаў у дэпутаты мясцовых Саветаў.

Лідэру Барысаўскай арганізацыі АГП Міхаілу Васільеву ў пятніцу 12 лютага змаглі толькі паказаць тэкст дакумента, яшчэ не падпісаны старшынёй райвыканкама Ўладзімірам Мірановічам.

Па словах Васільева, з тэксту рашэння выканкама вынікае, што забараняецца праводзіць пікеты бліжэй 50-ці метраў ад адміністрацыйных будынкаў. Забаронена таксама праводзіць пікетаванне на аўтобусным і чыгуначных вакзалах, побач са школамі, дзіцячымі садкамі, бальніцамі, паліклінікамі і іншымі “жыццёва важнымі аб'ектамі”.

У суботнім нумары газеты раённай вертыкалі “Адзінства” за 13 лютага рашэнне райвыканкама апублікавана не было. Наступны нумар гэтай газеты з'явіцца толькі ў сераду 17 лютага.

“Праваабаронцы за свабодныя выбары”