Брэст: Пракуратура папярэдзіла Івана Стасюка за дзейнасць ад імя незарэгістраванай арганізацыі

2010 2010-02-11T12:21:20+0200 1970-01-01T03:00:00+0300 be http://spring96.org/files/images/sources/stasuk_fota1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Фота \"Маладога фронту\"

Фота \"Маладога фронту\"

Іван Стасюк, сябра міжнароднай моладзевай арганізацыі “Малады Фронт”, якая зарэгістравана ў Чэхіі, атрымаў афіцыйнае папярэджанне за дзейнасць ад імя незарэгістраванай арганізацыі. Актывіст быў выкліканы позвай у пракуратуру Брэсцкай вобласці на сёння, на 9:00, дзе даў тлумачэнні.

У афіцыйным папярэджанні значыцца, што матэрыялы аб дзейнасці актывіста паступілі ў пракуратуру з УКДБ Брэсцкай вобласці. З прадстаўленай інфармацыі і з раздруковак матэрыялаў сайтаў “Малады Фронт” і “Радыё Рацыя” была зроблена выснова, што актывіст прыймае ўдзел у дзейнасці незарэгістраванай арганізацыі. Узгадваліся таксама даты двух акцый, у якіх актывіст прыняў удзел.

Папярэджанне падпісана намеснікам пракурора Брэсцкай вобласці старэйшым дарадцам юстыцыі Т.С. Тачко. На асобніку афіцыйнага папярэджання з пракуратуры, выдадзенага актывісту, значыцца дата мінулага году –09.02.2009.

Артыкул 193.1 прадугледжвае крымінальную адказнасьць за дзейнасць ад імя незарэгістраванай арганізацыі. Пакараннем з’яўляецца штраф, арышт да 6 месяцаў ці турэмнае зняволенне тэрмінам да 2 гадоў.

Нагадаем, што ў мінулую суботу Іван Стасюк выйшаў з ізалятара часовага ўтрымання, на яго была заведзена крымінальная справа па артыкуле 339.1 Крымінальнага кодэксу Рэспублікі Беларусь за нібыта бойку 23 студзеня.

Грамадзкія актывісты і паплечнікі маладафронтаўца не выключаюць, што ціск на актывіста звязаны з яго рашэннем удзельнічаць кандыдатам на выбарах у мясцовыя Саветы дэпутатаў.

У абарону Івана Стасюка створаны камітэт, у які ўвайшлі рэгіянальныя прадстаўнікі Руху “За свабоду”, Партыі БНФ, аргкамітэту па стварэнню Партыі БХД, “Маладога Фронту”, праваабаронца Раман Кісляк.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international