Асамблея НДА: У Эўранэсце мусяць быць прадстаўленыя ня толькі палітычныя партыі

2010 2010-02-05T12:20:26+0200 1970-01-01T03:00:00+0300 be http://spring96.org/files/images/sources/asamblejanda2.jpg

Кіраўніцтва Асамблеі НДА лічаць, што ў міжпарлямэнцкай структуры Эўранэст мусяць быць прадстаўленыя ня толькі палітычныя партыі, але і суб’екты грамадзянскай супольнасьці.

Нагадаем, на дадзены момант ідзе абмеркаваньне адносна складу беларускага прадстаўніцтва ў Парлямэнцкай Асамблеі Эўразьвяза “Ўсходняе партрэнства” (Эўранэст). З-за адсутнасьці ў Беларусі прызнанага Эўразьвязам легітымнага парлямэнта любая дэлегацыя нашае краіны будзе мець неафіцыйны статус. Паколькі існуе верагоднасьць, што дэпутаты Палаты прадстаўнікоў адмовяцца ад удзелу ў Эўранэсьце, гэта дазволіць палітычнай апазыцыі і грамадзянскае супольнасьці пашырыць склад свайго прадстаўніцтва да 10 чалавек.

Пазыцыя Асамблеі НДА заключаецца ва ўключэньні найбольш значных структураў грамадзкага сэктару ў працу Эўранэста, нароўных з палітычнымі партыямі.   

Як адзначае старшыня Працоўнай групы Асамблеі НДА Сяргей Мацкевіч, “грамадзкі і палітычны сэктары мусяць быць прадстаўленыя на парытэтных асновах. З боку грамадзкага сэктару мы бачым удзел у Эўранэсьце такіх важных і ўплывовых арганізацыяў, як Беларуская асацыяцыя журналістаў, Асамблея НДА, прадстаўнік ад праваабарончых арганізацыяў, рух “За свабоду” і Беларускі Кангрэс дэмакратычных прафсаюзаў”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international