Менск: Першыя суды па неўключэнні ў выбаркамы

03.02.2010. Тэгі: суды, скаргі, выбары-2010.

Сёння, 3 лютага, у Менскім гарадскім судзе Партыя БНФ і ГА БНФ “Адраджэнне” абскарджваюць неўключэнне сваіх вылучэнцаў у Менскую гарадскую выбарчую камісію. Пачатак судовых паседжанняў – у 14.30 і 16.00.

У склад камісіі не былі ўключаны юрыст Уладзімір Лабковіч, які вылучаўся ад Партыі БНФ, і палітолаг Юрый Чавусаў, які вылучаўся ад ГА БНФ "Адраджэнне".

Фармаванне Менскай гарадской выбарчай камісіі адбылося падчас сумеснага паседжання прэзідыумаў Менскага гарадскога Савета і Менгарвыканкаму 28 студзеня. У гэты ж дзень суб’екты, якія накіроўвалі сваіх прадстаўнікоў у склад камісіі, падалі ў Менскі гарадскі суд скаргі на рашэнне прэзідыума Менгарсавета і Менгарвыканкама аб адхіленні вылучаных імі кандыдатур.

“Праваабаронцы за свабодныя выбары”