Фармаванне Гарадзенскай гарадской тэрытарыяльнай камісіі прайшло па накатаным сцэнары

2010 2010-01-29T10:50:07+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння раніцай прайшло сумеснае паседжанне прэзідыумаў Гарадзенскіх гарадскога Савету і гарвыканкаму па фармаванні гарадской тэрытарыяльнай камісіі. Усё паседжанне, якое вёў старшыня гарвыканкаму Барыс Казялкоў, доўжылася каля 15 хвілінаў.

У склад тэрытарыяльнай камісіі былі вылучаны 23 чалавекі, у тым ліку прадстаўнікі дэмакратычных партый: Партыі БНФ, АГП, БСДГ (Грамада). Ніхто з іх у склад сфармаванай камісіі з 13 чалавек не патрапіў.

Кандыдатуры прэтэндэнтаў увогуле не абмяркоўваліся. На пытанне старшыні гарадской арганізацыі АГП Дзмітрыя Слуцкага, чаму ў склад камісіі з году ў год не могуць патрапіць прадстаўнікі буйнейшых апазіцыйных партый, Барыс Казялкоў адказаў, што ў камісію ўключаны прадстаўнік апазіцыйных камуністаў Іосіф Нячай, які прадстаўляе партыю “Справядлівы свет”.

Увогуле ў склад камісіі ўвайшлі пераважна прадстаўнікі прадзяржаўных арганізацый, такіх як БРСМ, “Белая Русь”, ветэранскіх арганізацый, КПБ, а таксама дзяржаўных прафсаюзаў. Мясцовыя назіральнікі ўпэўненыя, што старшынёй камісіі будзе абраны Уладзімір Хлябіч, прадстаўнік “Белай Русі”. 

А вось у Слонімскай раённай тэрытарыяльнай камісіі будзе адзін прадстаўнік дэмакратычнай супольнасці -- Мікалай Барысік, які вылучаўся ў камісію шляхам збору подпісаў і падавання адпаведнай заявы. Такое рашэнне было прынята таксама сёння.   

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international