Заяўніка не запрасілі на паседжанне Брэсцкай гарадской выбарчай камісіі
Грамадзкі актывіст Сяргей Вакуленка быў вылучаны шляхам збору подпісаў у склад Брэсцкай гарадской камісіі па выбарах у мясцовыя Саветы дэпутатаў Рэспублікі Беларусь 26 склікання. 26 студзеня ён падаў адпаведныя дакументы ў 512 кабінет Брэсцкага гарвыканкаму і запытаў пра час правядзення паседжання па зацверджанню складу камісіі. Супрацоўніца сказала, што гэтая інфармацыя яшчэ невядома. С.Вакуленка асабіста папрасіў паінфармаваць яго і пакінуў свой нумар тэлефону.
27 студзеня С. Вакуленка даведаўся, што паседжанне гарадской камісіі ўжо адбылося і сябры камісіі зацверджаныя. На пытанне, чаму яго не праінфармавалі, тая ж супрацоўніца адказала: “Дык была тут апазіцыя”.
Сяргея Вакуленка, які вылучаўся шляхам збору подпісаў, у склад гарадзкой выбарчай камісіі не ўключылі. Тлумачэньняў, па якой прычыне яго не ўключылі ў камісію, органы, якія адказваюць за фарміраванне камісіі, не даюць.
Праваабаронца Ўладзімір Вялічкін расцэньвае гэты факт наўмыснага ігнараваньня прадстаўніка дэмакратычных сілаў падманам і грубым парушэннем выбарчага працэсу.
“Праваабаронцы за свабодныя выбары”
