Сяргею Серабру вярнулі аргтэхніку, забраную падчас ператрусу

2010 2010-01-27T09:02:42+0200 1970-01-01T03:00:00+0300 be http://spring96.org/files/images/sources/serabro.jpg
Фота \"Радыё Свабода\"

Фота \"Радыё Свабода\"

У журналіста і рэдактара сайту “Народныя навіны Віцебску” міліцыянты забралі фотаапарат і два сыстэмныя блёкі кампутараў. Гаспадару вярнулі маёмасьць толькі пасьля скаргі ў пракуратуру.

Ператрус у кватэры, якую здымаюць Сяргей Серабро і ягоная жонка, адбыўся 13 студзеня. Ён быў зьвязаны з крымінальнай справай Сяргея Каваленкі, які 7-га студзеня вывесіў бел-чырвона-белы сьцяг на галоўнай гарадзкой ёлцы на плошчы Перамогі. Гэты момант, а таксама тое, як сьцяг здымалі супрацоўнікі МНС, журналісту ўдалося сфатаграфаваць.
Гэтыя здымкі й цікавілі міліцыянтаў: супрацоўнікі ў форме спрабавалі затрымаць спадара Серабра яшчэ падчас здымак, але з тэхнічных прычынаў яны не змаглі ні паглядзець, ні выдаліць непажаданыя кадры, якія потым шырока разышліся па інтэрнэце.
Тым ня менш міліцыянты запісалі асабістыя зьвесткі Сяргея Серабра і праз колькі дзён прыйшлі ў кватэру, дзе ён жыве. Каб правесьці ператрус, выклікалі гаспадыню, і забралі аргтэхніку бязь ведама ўладальніка.
Спадар Серабро быў змушаны зьвярнуцца ў абласную пракуратуру, бо забраньне маёмасьці лічыць незаконным. Учора яму патэлефанавала сьледчая Аксана Муравіцкая, якая вядзе справу Сяргея Каваленкі, і прапанавала вярнуць рэчы. Сяргей Серабро адзначае, што з выгляду іх нібыта ніхто не чапаў і не дасьледаваў – усе пячаткі, датаваныя 13-м студзеня, засталіся некранутыя.
Ад спадарыні Муравіцкай журналіст атрымаў і позву на допыт: у панядзелак 1-га лютага ён мусіць распавесьці сьледчай па справе Сяргея Каваленкі, каму належыць тэхніка, якая знаходзілася ў ягонай кватэры.

Сяргей Серабро лічыць, што сыстэмныя блёкі і фотаапарат былі забраныя падчас ператрусу ня толькі таму, што міліцыянты хацелі ўважліва разгледзець фатаздымкі плошчы і бел-чырвона-белага сьцяга на ёлцы. Ён не выключае, што супрацоўнікі міліцыі імкнуліся такім чынам яшчэ й паралізаваць аднаўленьне сайту “Народныя навіны Віцебску”, на якім учынак Сяргея Каваленкі актыўна камэнтаваўся наведнікамі, а таксама зьяўляліся апошнія зьвесткі пра лёс апазыцыянэра, супраць якога распачалі крымінальную справу.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international