Невядомыя пагражаюць Анджэю Пачобуту і яго сям’і

2010 2010-01-21T13:40:27+0200 1970-01-01T03:00:00+0300 be http://spring96.org/files/images/sources/pachobut.jpg
Андрэй Пачобут, публіцыст і блогер, уласны карэспандэнт выдання Gazeta Wyborcza

Андрэй Пачобут, публіцыст і блогер, уласны карэспандэнт выдання Gazeta Wyborcza

Гродзенскі журналіст звярнуўся з гэтай нагоды да Генеральнага пракурора Беларусі.
Пра гэта ў гутарцы з карэспандэнтам службы маніторынгу БАЖ паведаміў сам Анджэй Пачобут, карэспандэнт «Gazety Wyborczej» і сябра ГА «БАЖ».
Як распавёў А. Пачобут, зараз ён знаходзіцца ў Івянцы (Мінская вобл.), дзе разгортваецца канфлікт паміж прадстаўнікамі польскай дыяспары (актывістамі непрызнанага Саюза палякаў) і мясцовымі ўладамі. (Пра сутнасць канфлікту і пра падзеі ў Івянцы журналіст падрабязна распавядае ў сваім блогу).
20 студзеня ён атрымаў на мабільны тэлефон званок ад невядомага мужчыны. Незнаёмец папярэдзіў, што ў выпадку, калі А. Пачобут тэрмінова не з’едзе з Івянца, то ён рызыкуе страціць сям’ю. У прыватнасці, невядомы згадаў цяжарную жонку Пачобута. Нумар, з якога тэлефанаваў невядомы, не адказвае. «Ці то званілі нейкім хітрым спосабам, ці то банальна з тэлефоннай будкі ці пошты», — мяркуе журналіст. Ён лічыць, што пагрозы могуць зыходзіць ад супрацоўнікаў беларускіх спецслужбаў. У сваім звароце на імя генеральнага пракурора РБ Рыгора Васілевіча А. Пачобут патрабуе спыніць пераслед яго сям’і.
«Дзеянні незнаёмца, які мне пагражаў, падпадаюць пад артыкул крымінальнага кодэкса, у сувязі з чым я і патрабую ад генеральнага пракурора прыняць адпаведныя захады да злачынцаў», — паведаміў А. Пачобут.
Гэта не першы выпадак пагроз на адрас журналіста. У лютым мінулага года невядомыя парэзалі ўваходныя дзверы ў яго кватэры ў Гродна, а яго 8-гадовай дачцэ неаднаразова тэлефанаваў незнаёмы мужчына. Тады праваахоўныя органы Гродна адмовіліся заводзіць крымінальную справу — міліцыянты вырашылі, што дзеянні зўламыснікаў не неслі рэальнай пагрозы. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international