Лідэры БХД патрабуюць «сатысфакцыі» ад Белтэлерадыёкампаніі

2010 2010-01-06T16:53:39+0200 1970-01-01T03:00:00+0300 be http://spring96.org/files/images/sources/bxd_1.jpg

6 студзеня ў судзе Першамайскага раёна Мінска прайшло папярэдняе пасяджэнне па іску сустаршыняў аргкамітэта па стварэнні партыі «Беларуская хрысціянская дэмакратыя» (БХД) Паўла Севярынца і Віталя Рымашэўскага да Белтэлерадыёкампаніі. Іск разглядае суддзя Вольга Багам’я.

Нагадаем, 27 і 28 верасня ў праграме «Панарама» дэманстраваўся сюжэт, які, паводле меркавання ісцоў, закранае іх гонар і годнасць. Сутнасць сюжэту ў тым, што БХД з’яўляецца сектанцкай арганізацыяй, а перакананні членаў аргкамітэта далёкія ад хрысціянскіх каштоўнасцяў.

Акрамя абвяржэння аўтары іску патрабуюць выдзеліць ім эфірны час для выступлення, каб праінфармаваць грамадзян Беларусі аб дзейнасці аргкамітэта БХД, мэтах і задачах стваранай партыі. Ісцы таксама патрабуюць пакрыць маральны ўрон у памеры 50 млн. рублёў кожнаму.

Прадстаўнікі адказчыка — начальнік юрыдычнага ўпраўлення Белтэлерадыёкампаніі Руслан Жуковіч, вядучы юрысконсульт Вольга Дуброўская і палітычны аглядальнік Андрэй Крывашэеў заявілі, што лічаць іск поўнасцю неабгрунтаваным.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international