Палатай прадстаўнікоў прыняты законапраект супраць апазыцыянэраў пад назвай "Аб супрацьдзеяньні экстрэмызму"

2005 2005-10-28T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

27 кастрычніка Палатай прадстаўнікоў у першым чытаньні прыняты законапраект "Аб супрацьдзеяньні экстрэмызму", які ставіць палітычных апанэнтаў цяперашняга беларускага рэжыму ў надзвычайна складаныя ўмовы. Па сутнасьці любыя іх дзеяньні можна будзе падвесьці пад новы заканадаўчы акт. Такое меркаваньне выказаў у размове з карэспандэнтам радыё Свабода падпалкоўнік КДБ у адстаўцы Валеры Костка.

"Я разумею, калі б такі закон прымаўся ў краіне, дзе пашыраны экстрэмізм. Там трэба рабіць больш жорсткія захады. Але ж Беларусь – краіна талерантная. Таму мне зразумела, што новы законапраект зьвязаны з прэзыдэнцкімі выбарамі 2006 году. І таму апанэнты ўлады ставяцца ў такія жорсткія ўмовы, што задаесься пытаньнем: ці наагул яны здольныя будуць зрабіць хоць нейкія дзеяньні? Бо пад гэты закон можна падвесьці любы мітынг пратэсту – прыкладам, супраць фальсыфікацыі. Усё гэта можна будзе трактаваць як экстрэмізм. І ў судзьдзяў, пракурораў будзе юрыдычная база – маўляў, вы выйшлі на плошчу, а калі на плошчу, значыць, вы – экстрэмісты.

У Беларусі, дзе няма экстрэмізму, такія законы выглядаюць надзвычай ненатуральна. У нас жа няма ніякіх падставаў, нармальная спакойная абстаноўка. Такі закон выглядае белай варонай нават на фоне іншых законаў, якія падганяліся пад сытуацыю. Я думаю, што тут пытаньне не пра экстрэмізм, а пра тое, што ўсе павінны сядзець ціхенька".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international