Алесь Бяляцкі: 2010 год будзе дастаткова цяжкім

2010 2010-01-04T13:07:52+0200 1970-01-01T03:00:00+0300 be http://spring96.org/files/images/sources/a_bialiacki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кіраўнік “Вясны” Алесь Бяляцкі

Кіраўнік “Вясны” Алесь Бяляцкі

Праваабаронцы заяўляюць, што напярэдадні прэзідэнцкіх выбараў улады Беларусі будуць праводзіць палітыку «закручвання гаек».

Як лічыць віцэ-прэзідэнт Міжнароднай федэрацыі правоў чалавека Алесь Бяляцкі, варта чакаць узмацнення рэпрэсіяў у 2010 годзе. Пра гэта ён заявіў у інтэрв'ю БелаПАН.

2010 год будзе «дастаткова цяжкім»: запланаваныя дзве буйныя палітычныя кампаніі — выбары ў мясцовыя саветы ўвесну і пачатак кампаніі па выбарах прэзідэнта ўвосень.

«А практыка ў нашай дзяржаве склалася такая, што калі грамадскае жыццё становіцца больш актыўным, павялічваецца і колькасць рэпрэсіяў з боку ўладаў. Таму мы лічым, што пытанні пераследу грамадзянскіх актывістаў, пытанні рэпрэсіяў і абмежавання правоў грамадзянаў і свабоды СМІ будуць стаяць востра», — заявіў Бяляцкі.

Праваабаронцы гатовыя назіраць за сітуацыяй, даваць свае ацэнкі падзеям і працэсам, якія адбываюцца, адзначыў ён.

Старшыня арганізацыі «Прававая дапамога насельніцтву» Алег Воўчак лічыць, што 2010 год «не будзе асабліва радасным» для праваабаронцаў. «Я не чакаю лібералізацыі, будзе толькі «закручванне гаек» у сувязі з выбарамі, якія маюць адбыцца. Не сакрэт, што Лукашэнка плануе абірацца на чарговы прэзідэнцкі тэрмін, таму лібералізацыя ў эканоміцы, палітыцы, грамадскім сектары яму не патрэбная. Не будзе зарэгістраваная ніводная палітычная партыя ці праваабарончая грамадская арганізацыя. Яны небяспечныя для ўлады, таму што яны працуюць на месцах з людзьмі», — заявіў Воўчак.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international