Студэнтаў, што зьбіраюць подпісы ў падтрымку Шапуцька, адлоўліваюць у інтэрнатах

2009 2009-12-23T09:19:00+0200 1970-01-01T03:00:00+0300 be http://spring96.org/files/images/sources/shapucjka.jpg

Пра гэта прэс-службе МФ паведаміла Тацьцяна Шапуцька, спасылаючыся на сьведчаньні сваіх аднакурсьнікаў.

"Яшчэ напачатку збору подпісаў намесьнік дэкана юрыдычнага факультэта А.В. Шыдлоўскі выклікаў студэнтаў да сябе ў кабінет, дзе праводзіў "прафіляктычныя размовы", пасьля якіх студэнты ў сьлязах выходзілі ад яго. Ёсьць інфармацыя, што адміністрацыя факультэта пагражала студэнтам адлічэньнем з вучобы, праблемамі на працы ў бацькоў, няздачаю сэсіі ў выпадку, калі тыя не адмовяцца ад сваіх подпісаў. У інтэрнат, дзе ў асноўнай сваёй масе жывуць студэнты юрыдычнага факультэта, прыязджаў асабіста рэктар - "кантраляваў" сытуацыю, хадзілі людзі, што зьбіралі адмовы ад подпісаў. Пры гэтым студэнтам апавядалі, што іх подпісы прызначаліся для палітычных гульняў, для дыскрэдытацыі факультэта й унівэрсытэта, для асабістых карысьлівых мэтаў "апазыцыянэркі Шапуцька", - апавядае Тацьцяна Шапуцька. 

"Напачатку час студэнты, баючыся ўзмацненьня прэсінгу з боку адміністрацыі, упрошвалі мяне не агучваць факты рэпрэсій, але пасьля апошняга выпадку замоўчваць гэта проста нельга: у апошнюю пятніцу некаторыя студэнты паехалі ў адзін з студэнцкіх інтэрнатаў БДУ - т.зв. "тройку" пазьбіраць подпісы ў маю падтрымку, бо ў "юрыдычным інтэрнаце" студэнты ўжо моцна запалоханы. Як высьвятлілася, у інтэрнаце іх ужо чакалі! Сацыяльны педагог, што пабачыла дзяўчат, фактычна фізычна затрымала іх і патэлефанавала кудысьці, гаворачы "Так, тыя, пра каго вы казалі, прыехалі", пасьля чаго прыстрашыла дзяўчат міліцый", - дадае Шапуцька. 

Па словах Таццяны Шапуцька, потым сацыяльны педагог пайшла па студэнцкіх пакоях і, пагражаючы непрыемнасьцямі, патрабавала адклікаць подпісы. У выніку амаль 70 студэнтаў са 100 падпісантаў, якіх пасьпелі наведаць дзяўчаты, выкрэсьлілі свае подпісы. 

"Жорсткая пазыцыя адміністрацыі ўнівэрсытэта не мяняецца - студэнтаў рэпрэсуюць, пабачыўшы у іх дзеяньнях хоць нейкае вальнадумства. Прымушаць адклікаць подпіс у падтрымку выключанай студэнткі - маразм, што сьведчыць пра неўміручы страх уладаў перад голасам моладзі. Хацелася б толькі нагадаць тым, хто зараз так актыўна спрыяе рэпрэсіям студэнтаў, што калі-небудзь прыйдзецца несьці адказнасьць за свае ўчынкі. Як былая студэнтка юрфака нагадваю, што прымус - гэта крымінальнае злачынства (арт. 185 КК)",
 - камэнтуе падзеі Таццяна Шапуцька.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international