Падатковая патрабуе з гомельскага актывіста 10 мільёнаў

2009 2009-12-16T10:25:11+0200 1970-01-01T03:00:00+0300 be http://spring96.org/files/images/sources/ul_kacora.jpg
Уладзімір Кацора

Уладзімір Кацора

Інспэкцыя падаткаў і збораў Савецкага раёну Гомелю пісьмова запатрабавала ад актывіста Руху «За свабоду» Ўладзімера Кацоры сплаціць 10-мільённы доўг за зьліквідаванае ўладамі яшчэ ў 2003 годзе грамадзкае аб’яднаньне «Грамадзянскія ініцыятывы». На той падставе, што Кацора быў прызначаны старшынём ліквідацыйнай камісіі.

Сума доўгу ўтварылася, як вынікае зь ліста намесьніка начальніка інспэкцыі, з падаткаў і збораў (4,35 мільёна), пені (2,84 мільёна) і штрафу (2,82 мільёна).

Кацора: «Я зьвярнуўся ва ўправу юстыцыі Гомельскага аблвыканкаму, што складаю зь сябе абавязкі старшыні ліквідацыйнай камісіі па «Грамадзянскіх ініцыятывах». Улады з 2006 году не выконваюць рашэньне Камітэту ААН па правах чалавека на аднаўленьне дзейнасьці аб’яднаньня «Грамадзянскія ініцыятывы».

Паводле суразмоўцы, улады зацікаўленыя ў канчатковай ліквідацыі грамадзкага аб’яднаньня рукамі актывістаў. Падказваюць нават шляхі — сьпісаць даўгі на падставе ўказу № 329 ад 13.06.2006 г. «Аб некаторых пытаньнях прызнаньня запазычанасьці безнадзейным доўгам і яе сьпісаньня». Але як толькі ліквідацыйная камісія зьвернецца з такім хадайніцтвам, гэта будзе азначаць згоду на канчатковую ліквідацыю «Грамадзянскіх ініцыятываў». Таму Ўладзімер Кацора лічыць за лепшае ня ставіць крыж уласнымі рукамі на ўплывовай некалі грамадзкай структуры, а працаваць з насельніцтвам ад яе імя, не зважаючы на тое, што ўлады могуць перасьледаваць актывістаў за дзейнасьць ад імя незарэгістраванай арганізацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international