Недзяржаўную газету «Ганцавіцкі час» вяртаюць у дзяржаўную сістэму распаўсюду

2009 2009-12-11T15:54:00+0200 1970-01-01T03:00:00+0300 be http://spring96.org/files/images/sources/gazeta.jpg

Рэдакцыя «Ганцавіцкага часу» 7 снежня атрымала адказ ад Брэсцкага філіяла «Белпошты» на свой зварот наконт заключэння дамоваў аб супрацоўніцтве. У лісце паведамляецца, што для ўключэння ў падпісны каталог рэдакцыі неабходна прадаставіць інфармацыю пра выданне, а таксама пералічыць 274 тысячы рублёў.

Акрамя таго, па словах галоўнага рэдактара «Ганцавіцкага часу» і дырэктара прадпрыемства «ІнтэксПрэс-Рэгіён» Аляксея Белага, у рэдакцыю тэлефанавалі з «Брэстаблсаюздруку» і цікавіліся адпускным коштам газеты, а таксама абяцалі даслаць дамову на рэалізацыю выдання. Аднак ніякіх афіцыйных папер ад «Брэстаблсаюздруку» пакуль не паступала.

«Нягледзячы на дарагавізну паслуг прадпрыемстваў дзяржаўнай сістэмы распаўсюду, мы будзем вельмі рады, калі з новага года наша газета вернецца ў кіёскі „Саюздруку“ і ў падпісны каталог. І, значыць, стане больш даступнай для жыхароў Ганцавічаў», — зазначае Аляксей Белы.

Разам з тым, газета «Нясвіжскі час», выдаўцом якой таксама з’яўляецца «ІнтэксПрэс-Рэгіён», пакуль не атрымала ніякага адказу ні ад «Белпошты», ні ад «Саюздруку».

А вось недзяржаўную баранавіцкую газету «Intex-press» «Белпошта» ў чарговы раз адмовілася ўключыць у каталог. З прычыны «немэтазгоднасці» супрацоўніцтва, — тлумачыць адмову кіраўніца ўпраўлення распаўсюду друкаваных СМІ «Белпошты» Марына Вараб’ёва ў афіцыйным лісце ад 8 снежня.

Адказу з «Брэстаблсаюздруку» на прапанову аднавіць супрацоўніцтва рэдакцыя «ІР» пакуль не атрымала.

Даведка:
«Ганцавіцкі час» выдаецца з траўня 2002 года, наклад каля 3 000 асобнікаў.
«Нясвіжскі час» выдаецца з лістапада 2002 года, наклад 1 100 асобнікаў.
«Intex-press» выходзіць са снежня 1994 года, наклад 20 000 асобнікаў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international