Разгляд скаргі заснавальнікаў “Берасцейскай Вясны” перанесены
Сёньня ў Брэсцкім абласным судзе разглядалася скарга сузаснавальнікаў праваабарончага грамадскага аб’яднаньня “Берасцейская вясна” да галоўнага ўпраўленьня юстыцыі аблвыканкама, які ў пяты раз адмовіў праваабаронцам у рэгістрацыі аб’яднаньня.
Суддзя заслухаў аргументы сузаснавальнікаў “Берасцейскай Вясны” Сяргея Гоўшы і Уладзіміра Малея, выслухаў пярэчаньні з боку прадстаўніка ўпраўленьня юстыцыі. Прадстаўнік пракуратуры запрасіў суд адкласьці разгляд скаргі ў сувязі з адсутнасьцю на судовым пасяджэньні аднаго з заснавальнікаў Уладзіміра Вялічкіна.
Суддзя вынес рашэньне перанесьці суд на 28 сьнежня.
