Сябра "Маладога фронту" затрыманы ў Горадні

2005 2005-10-27T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

26 кастрычніка ў Горадні міліцыянты часова затрымалі студэнта унівэрсытэту імя Янкі Купалы Яўгена Скрабутана. У яго ўзялі тлумачэньні наконт распаўсюду ва ўнівэрсытэце ўлётак. Хлопец сказаў міліцыянтам, што ня мае да гэтага дачыненьня.

У гарадзенскім Купалаўскім унівэрсытэце ў той дзень празодзіла канфэрэнцыя, прысьвечаная студэнцкаму самакіраваньню. Студэнт 3-га курсу беларускай філялёгіі Яўген Скрабутан таксама прысутнічаў на ёй.

Ахову ў памяшканьні ажыцьцяўлялі студэнты старэйшых курсаў. Паводле Яўгена, адзін зь іх падышоў да яго падчас мерапрыемства і сфатаграфаваў папросту ў твар, а потым перадаў здымак міліцыянтам.

Канфэрэнцыя закончылася, і калі Яўген Скрабутан выходзіў з залі, яго чакалі міліцыянты і хлопцы з унівэрсытэцкай аховы, якія сьцьвярджалі, што ён распаўсюджваў улёткі.

Яўгена забралі ў Ленінскі РАУС, дзе пратрымалі прыблізна дзьве гадзіны. На стале ў сьледчага ляжаў стосік улётак, у якіх было напісана нібыта пра тое, што з унівэрсытэту выганяюць студэнтаў. “Там сьпіс прозьвішчаў студэнтаў, якіх выключылі за грамадзкую дзейнасьць, і нават маё прозьвішча ёсьць”, -- паведаміў Яуген Скрабутан радыё Свабода.

Яўгена Скрабутана аднойчы выключалі з унівэрсытэту за графіці “Спынім русыфікацыю!”, але пазьней яму ўдалося вярнуцца назад. Ён належыць да “Маладога фронту”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international