Астаповіч хоча прыцягнуць да крымінальнай адказнасьці “рэстаўратараў”

2009 2009-12-04T10:53:00+0200 1970-01-01T03:00:00+0300 be http://spring96.org/files/images/sources/anton_astapovich1.jpg
фота svaboda.org

фота svaboda.org

Старшыня Беларускага таварыства аховы помнікаў гісторыі і культуры Антон Астаповіч зьвяртаецца да грамадзкасьці з чарговай канстатацыяй замаху на архітэктурны помнік Менска.

Па яго словах, у абыход рашэння Беларускай рэспубліканскай навукова-мэтадычнай рады і без дазволу Міністэрства культуры, прадпрыемства “Мінская спадчына” спрабавала зруйнаваць будынак ХІХ стагодзьдзя па вуліцы Рэвалюцыйная, 24-а. Намаганьнямі спэцыялістаў Упраўленьня аховы гісторыка-культурнай спадчыны і рэстаўрацыі Міністэрства культуры незаконныя дзеянні “рэстаўратараў” былі прыпыненыя.

Галоўны інжынэр прадпрыемства Міхаіл Жых пасьля гэтага абяцаў выконваць працы на аб’екце толькі згодна з рэкамэндаванымі тэхналёгіямі. Але, атрымаўшы дазвол Міністэрства, у якім прадпісвалася толькі ручная разборка дзеля захаваньня аўтэнтычнага матэрыялу, 30 лістапада “Мінская спадчына” пачала руйнаваньне помніка пры дапамозе экскаватара і пасьпела зьнішчыць цэлае крыло пабудовы.

На гэты момант працы прыпынены Міністэрствам культуры, якое падрыхтавала матэрыялы па парушэннях заканадаўства для ініцыявання пракурорскай праверкі, а Таварыства аховы помнікаў зьвярнулася ў Пракуратуру Цэнтральнага раёна Менска з просьбай прыцягнуць да крымінальнай адказнасці галоўнага інжынера “Мінскай спадчыны” Міхала Жыха і дырэктара прадпрыемства Паўла Шыкунца.

Застаецца спадзявацца на сумленнасць пракурорскіх работнікаў, бо працэс зьнішчэння ці неабгрунтаванага зьмянення помнікаў можна спыніць, стварыўшы прэцэдэнт адказнасці за зьдзейсьненае правапарушэнне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international