Арцёму Дубскаму ў вызваленьні адмоўлена

2009 2009-11-25T09:48:30+0200 1970-01-01T03:00:00+0300 be http://spring96.org/files/images/sources/dubski-3.jpg

24 лістапада адвакатка Тамара Сідарэнка наведала сваго падабароннага - палітвязьня Арцёма Дубскага, які зь ліпеня 2009 году знаходзіцца ўмагілёўскай калёніі (ПК №19).

Па словах адвакаткі, Арцём Дубскі выглядае вельмі схуднелым, за час знаходжаньня ў калёіі ён страціў 8 кілаграм вагі. Акрамя таго, як высьвятлілася, Арцём Дубскі галадаваў 3 дні на знак пратэсту супрацьдзеяньняў адмністрацыі, якая забараняла перадаваць палітвязьню кнігі.

"Пасьля таго, як некаторыя кнігі ўсё-ткі дазволілі перадаць, Дубскі галадоўку спыніў. Але яго працягваюць незаконна абмяжоўваць у шэрагу правоў: напрыклад, яму забаранілі набываць цыгарэты ў турэмнай краме, хаця ён ня мае ніякіх спагнаньняў з боку адміністрацыі калёніі й ня лічыцца парушальнікам рэжыму", - апавяла кіраўніца юрыдычнага адзьдзелу МФ Наста Лойка, якая наведала Магілёў разам з Тамараю Сідарэнка.

Арцём Дубскі ўтрымліваецца ў найлепшай частцы калёніі, аднак, як адзначыў сам палітвязень, псыхалягічная сытуацыя вельмі цяжкая: побач шмат "стукачоў", якія адсочваюць літаральна кожны ягоны крок і перадаюць усё адміністрацыі калёніі.

Зараз ужо дакладна вядома, што Арцёму Дубскаму адмовілі ва ўмоўна-датэрміновым вызваленьні: адмысловая камісія, што была склікана ў калёніі, палічыла недапушчальным прызначаць умоўна-датэрміновае вызваленьне рэцыдывісту, якім лічыцца маладафронтавец Арцём Дубскі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international