Кшыштаф Зануссі - супраць смяротнага пакарання (відэа)

2009 2009-11-20T15:04:39+0200 1970-01-01T03:00:00+0300 be http://spring96.org/files/images/sources/zanussi2.jpg

Культавы польскі рэжысёр падчас паказу фільма “Ілюмінацыя” ў межах фестывалю “Лістапад-2009” распавёў менскім гледачам пра сваё стаўленне да смяротнага пакарання.

“Ведаеце, у маёй краіне ўжо даўно яго няма, – адказаў Зануссі. – Папа Рымскі Ян Павел II вельмі моцна выказваўся, што ўжо няма апраўдання ў сёняшнім свеце для смяротнага пакарання, хаця калісьці апраўданне магчыма і было.

Вядома, з чалавечага пункту гледжання, я вельмі супраць, мне падаецца гэта нечым зусім немагчымым. Але я разумею, што ёсць моцнае жаданне помсты тым, хто нам зрабіў зло. Увесь развіты свет, акрамя Амерыкі, жыве без смяротнага пакарання, і з фактычнага пункту гледжання бачна, што гэта не павышае колькасці злачынстваў”.

Сёння Кшыштаф Зануссі ўваходзіць у сусветную эліту кінарэжысуры. Ён зняў каля 40 кіна- і тэлефільмаў, шматлікія з якіх удастоеныя найвышэйшых узнагародаў буйнейшых міжнародных кінафестываляў. Пан Кшыштаф – лаурэат Дзяржаўнай прэміі Польшчы, прэміяў Міністэрства культуры Польшчы. Ён з’яўляецца сябрам Еўрапейская акадэміі кіно, папскай Акадэміі вытанчаных мастацтваў і літаратуры, кансультантам Камісіі па справах культуры ў Ватыкане, прэзідэнтам супольнасці EUROVISION, сябрам польскага Пэн-клуба і Саюза польскіх пісменнікаў, саюзаў кінематаграфістаў Польшчы і Германіі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international