Амбасадар Ізраілю заявіў аб праявах расізму ў Беларусі

2009 2009-11-10T13:18:16+0200 1970-01-01T03:00:00+0300 be http://spring96.org/files/images/sources/shapiro_posol_izrailia.jpg
Эдуард Шапира

Эдуард Шапира

У Беларусі склалася катастрафічная сітуацыя з юдзейскімі cупольнасцямі. Пра гэта амбасадар Ізраілю Эдуард Шапіра заявіў 9 лістапада ў Менску на міжнароднай канферэнцыі, прысвечанай хрысціянска-юдзейскаму дыялогу.

Паводле яго словаў, у свой час савецкая ўлада, укараняючы атэізм і змагаючыся з рэлігіяй, рэквізавала ў канфесіяў культавыя будынкі, шмат якія з часам былі вернутыя вернікам. «Я разумею, што ў краіне яшчэ няма закона аб рэстытуцыі, але на хвалі рэлігійнага адраджэння дзяржава не толькі вяртае храмы, якія раней належылі хрысціянскім супольнасцям, але і дапамагае ў рэстаўрацыі гэтых культавых будынкаў», — сказаў дыпламат. Ён выказаў пажаданне, каб дзяржава звярнула ўвагу і на сінагогі, калісьці пабудаваныя на сродкі вернікаў, перадае БелаПАН.

У Гародні, у прыватнасці, знаходзіцца ўнікальная трохпавярховая сінагога — адзін з найпрыгажэйшых у Цэнтральнай Еўропе будынкаў юдзейскіх храмаў. Горад наведвае мноства турыстаў, у тым ліку габрэі, аднак іх немагчыма прывесці ў сінагогу, паколькі ў ёй пануе разруха, а на яе ўзнаўленне ў юдзейскай супольнасці няма сродкаў, адзначыў амбасадар.

Сярод іншых праблемаў жыцця габрэйскай супольнасці, якія выклікаюць заклапочанасць, дыпламат назваў нежаданне пракуратуры і міліцыі ўзбуджаць справы па артыкуле 130 Крымінальнага кодэкса Беларусі аб распальванні нацыянальнай варожасці «нават там, дзе гэта відавочна». Амбасадар прывёў прыклад гэтага года, калі ў Слуцку (Менская вобласць) на будынку, дзе размешчаная габрэйская супольнасць, з'явілася свастыка з антысеміцкім тэкстам пагрозлівага зместу. «На мой погляд, гэта яскравы прыклад расізму», — сказаў Шапіра.

Паводле яго словаў, часам будаўнічыя працы вядуцца ў раёнах старадаўніх габрэйскіх могілак і месцах масавых расстрэлаў габрэяў у гады Другой сусветнай вайны. Дыпламат лічыць, што неабходны закон, які б спыняў такога кшталту дзеянні. На яго думку, калі падчас такіх працаў знойдзеныя чалавечыя парэшткі, неабходна апавясціць габрэйскую супольнасць і ў прысутнасці равіна правесці перапахаванне паводле нацыянальных традыцыяў.

Амбасадар выказаў упэўненасць, што сумеснымі высілкамі любыя цяжкасці могуць быць пераадоленыя, залог чаму з'яўляецца цяперашняя канферэнцыя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international