viasna on patreon

Галадоўніка А.Бандарэнку паклалі ў турэмны шпіталь

2009 2009-11-09T08:33:00+0200 1970-01-01T03:00:00+0300 be https://spring96.org/files/images/sources/bandarenka_andrej.jpg

З 19-га кастрычніка працягвае галадоўку прадпрымальнік Андрэй Бандарэнка. Ён пратэстуе супроць прысуду, вынесенага Першамайскім раённым судом Менску. 
Нагадаю, прадпрымальніка, былога актывіста АГП Бандарэнку суд прызнаў вінаватым ў крадзяжы маёмасьці фірмы і асудзіў на 7 гадоў зьняволеньня з канфіскацыяй маёмасьці. Паводле адваката Зьмітра Лаеўскага, стан здароўя ягонага падабароннага Андрэя Бандарэнкі значна пагоршыўся.

“Мы бачыліся зь ім два дні таму, ён пачуваўся дрэнна. З таго часу, відаць, яму стала яшчэ горш, і таму яго паклалі ў рэспубліканскі турэмны шпіталь на вуліцы Кальварыйскай. Зараз я раблю захады, каб тэрмінова зь ім пабачыцца”, — паведаміў “Свабодзе” адвакат Зьміцер Лаеўскі. 

Прадпрымальнік Андрэй Бандарэнка летась удзельнічаў у выбарах у палату прадстаўнікоў Нацыянальнага сходу, але ня быў абраны. Актывіст АГП спрабаваў аспрэчыць вынікі выбараў, і знаёмыя ва ўладзе папярэдзілі яго пра магчымыя дрэнныя наступствы, не спыніў спробаў адстояць сваю пазыцыю. Праз пэўны час супроць Андрэя Бандарэнкі завялі крымінальную справу, на пачатку кастрычніка прадпрымальнік быў асуджаны.

Апошнія навіны

Партнёрства

Сяброўства