Сукала зноў адмовіўся абмяркоўваць праблему судовых адпісак з групай жанчын

2009 2009-11-04T09:43:00+0200 1970-01-01T03:00:00+0300 be http://spring96.org/files/images/sources/sukalo_300.jpg

Старшыня Вярхоўнага суда Валянцін Сукала 2 лістапада пяты раз адмовіўся абмяркоўваць праблему судовых адпісак з групай жанчын, якія пацярпелі ад асабліва цяжкіх злачынстваў, не згодных з рашэннямі судоў па сваіх грамадзянскіх справах і крымінальных справах сваіх блізкіх.

Як паведаміла мінчанка Людміла Ганчарова, 2 лістапада на штомесячны асабісты прыём да Сукалы з усіх рэгіёнаў краіны, акрамя Гродзенскай вобласці, прыехалі 20 жанчын. "Мы пяты раз за апошнія пяць месяцаў паспрабавалі сустрэцца са старшынёй Вярхоўнага суда, аднак, як і раней, было адмоўлена", — сказала Ганчарова. Паводле яе слоў, адмова матывавалася пераносам даты прыёму. Пры гэтым "супрацоўнікі прыёмнай адмовіліся назваць новую дату асабістага прыёму ў старшыні Вярхоўнага суда", адзначыла Ганчарова.

Паводле яе слоў, на працягу многіх гадоў заяўніцы атрымліваюць ад чыноўнікаў Вярхоўнага суда фармальныя адпіскі на свае скаргі ў парадку нагляду, аплачаныя дзяржпошлінай. "Бо Сукала не жадае абмяркоўваць з намі праблему адпісак, а 17 верасня кіраўнік Адміністрацыі прэзідэнта Уладзімір Макей не прыняў прадстаўнікоў групы для абмеркавання гэтага пытання, 5 лістапада мы пойдзем на прыём да памочніка прэзідэнта Сяргея Ткачова", — сказала Ганчарова.

Інжынер-тэхнолаг Людміла Ганчарова — маці двух непаўналетніх дзяцей (10 і 11 гадоў) была звольнена з ААТ "Амкадор" 30 сакавіка 2001 года за адсутнасць на працы больш як тры гадзіны на працягу дня без уважлівых прычын. "Насамрэч я не рабіла прагул, бо кіраўнік інжынернай службы прадпрыемства выдаў мне дакумент для ўдзелу ў агульным сходзе акцыянераў "Амкадора", — сказала Ганчарова. Яна адзначыла, што на працягу васьмі гадоў дамагаецца аднаўлення на працы на ранейшай пасадзе, паколькі 3 чэрвеня 2001 года суд Савецкага раёна адмовіў ёй у гэтым. 25 верасня 2009 года Генеральная пракуратура апратэставала рашэнне раённага суда, аднак прэзідыум Мінскага гарадскога суда адхіліў гэты пратэст, паведамляе БелаПАН.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international