Камітэт па правах чалавека ААН адгукнуўся на просьбу маці Андрэя Жука

2009 2009-10-30T20:21:00+0200 1970-01-01T03:00:00+0300 be http://spring96.org/files/images/sources/united_nations1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

30 кастрычніка 2009 году Камітэт па правах чалавека ААН зарэгістраваў у неадкладным парадку пад нумарам 1910/2009 індывідуальны зварот маці Андрэя Жука, асуджанага да смяротнага пакарання Менскім абласным судом. Пра гэта паведаміў юрыст, праваабаронца з Берасця Раман Кісляк.

Жанчына звярнулася ў Камітэт 27 кастрычніка, пасля таго, як Судовая калегія па крымінальных справах Вярхоўнага Суду Рэспублікі Беларусь не задаволіла касацыйную скаргу яе сына і пакінула прысуд Менскага абласнога суду без зменаў.

У адпаведнасці са спецыяльнай працэдурай, Жэнеўскі офіс Вярхоўнага камісара па правах чалавека накіраваў Рэспубліцы Беларусь паведамленне пра рэгістрацыю звароту і патрабаванне не прыводзіць у выкананне смяротны прысуд, пакуль справа знаходзіцца на разглядзе Камітэта.

“Мы лічым, што права на жыццё Андрэя Жука было парушана, і спадзяемся, што Камітэт выявіць гэтае парушэнне. Мы будзем дабівацца замены смяротнага прысуду на іншае пакаранне”, - адзначыў Р.Кісляк.

Нагадаем, што 12 кастрычніка 2009 году Камітэт па правах чалавека ААН зарэгістраваў індывідуальны зварот Васіля Юзэпчука, асуджанага да смяротнага пакарання Брэсцкім абласным судом.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international