З'езд БХД дазволены

2009 2009-10-29T13:30:00+0200 1970-01-01T03:00:00+0300 be http://spring96.org/files/images/sources/bhd4.jpg

Дырэкцыя Палаца культуры Менскага трактарнага завода пагадзілася прыняць устаноўчы з’езд Беларускай хрысціянскай дэмакратыі. Падпісанне дамовы адбудзецца сёння а 15-й, а сам партыйны форум распачнецца у суботу а 10-й гадзіне раніцы.

– Сёння зранку нам паведамілі з Палацу культуры МТЗ, што яны ўсё ж гатовыя нас прыняць у суботу. Упэўнены, што гэта вынік нашай настойлівасці. Грукайцеся – і адчыняць, шукайце – і знойдзеце, напісана ў Евангеллі паводле Мацьвея 7:7, – заявіў Радыё Рацыя сустаршыня арганізацыйнага камітэту Партыі БХД Павал Севярынец.

Нагадаем, што ў часе суботняга форуму запланаваныя выступы лідэраў БХД Паўла Севярынца, Віталя Рымашэўскага, Аляксея Шэіна, Георгія Змітрука, а таксама палітыкаў Аляксандра Мілінкевіча, Аляксандра Казуліна, Станіслава Шушкевіча ды Аляксея Янукевіча.

Напрыканцы з’езду адбудзецца канцэрт з удзелам Андрэя Мельнікава, гурту “Тэзаўрус”, а таксама музыкаў “Новага Іерусаліму”. Чакаецца, што ў з’ездзе возьме ўдзел каля 700 чалавек – дэлегатаў і гасцей.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international