Магілёў: суполку “Грамады” зарэгістравалі

2009 2009-10-28T13:24:15+0200 1970-01-01T03:00:00+0300 be

Магілёўская абласная ўправа юстыцыі зарэгістравала Ленінскую раённую арганізацыю Беларускай сацыял-дэмакратычнай партыі “Грамада”. Рэгістрацыі суполкі партыйныя актывісты дамагаліся паўгода.

Суполка налічвае дваццаць чалавек. У рэгістрацыйных дакумэнтах фігуруюць дзевяць зь іх.

“У працэсе рэгістрацыі ўправа юстыцыі запатрабавала падрабязных зьвестак пра ўсіх гэтых дзевяць сяброў, у тым ліку пра іх месцы працы. Мы доўга разважалі над гэтым патрабаваньнем, бо заканадаўства не прадугледжвае таго. Урэшце вырашылі яго выканаць. Мы падалі копіі ўліковых картак, сяброўскіх білетаў і нават фоткі дадалі з устаноўчага сходу. Да таго ж кіраўніцтва зьвярнулася зь лістом, у якім была заакцэнтаваная ўвага на тое, што ўправа юстыцыі сваім патрабаваньнем парушае закон”, — зазначыў “Свабодзе” кіраўнік суполкі Андрэй Дзьвігун.

Паводле актывіста, цяпер рыхтуюцца дакумэнты на рэгістрацыю Кастрычніцкай партыйнай суполкі абласнога цэнтру. Пасьля яе рэгістрацыі актывісты будуць намагацца легалізаваць гарадзкую арганізацыю.

У Бабруйску тым часам з рэгістрацыяй суполак БСДП “Грамада” ёсьць праблемы. Уладальнік памяшканьня, якое мелася быць юрыдычным адрасам для партыйцаў, адмовіўся ад сваіх намераў яго арандаваць. Безь юрыдычнага адрасу, паводле заканадаўства, рэгістрацыя суполак немагчымая.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international