Актывісты БХД затрыманыя ў Берасьці

2009 2009-10-27T17:00:00+0200 1970-01-01T03:00:00+0300 be http://spring96.org/files/images/sources/bxd_1.jpg

27 кастрычніка ў Берасьці ў 22.00 супрацоўнікі міліцыі затрымалі сябра аргкамітэту БХД Андруся Любянчука і двух ягоных паплечнікаў, прозьвішчы якіх пакуль невядомыя.

Сёньня ў цэнтры Берасьця залуналі бел-чырвона-белыя сьцягі. Каб іх зьняць, былі задзейнічаныя міліцыянты і супрацоўнікі Міністэрства надзвычайных сытуацый.

Андрусь Любянчук пасьпеў паведаміць Паўлу Севярынцу аб тым, што затрыманьне хутчэй за ўсё зьвязанае з гэтым. Міліцыянты шукаюць тых, хто вывесіў сьцягі раніцай у той час, калі сотні жыхароў гораду дабіраліся на працу і бачылі нацыянальныя сымбалі.

Усе затрыманыя знаходзяцца ў пастарунку міліцыі. Ім патлумачылі, што іх будуць трымаць там, каб высьветліць некаторыя абставіны. Міліцыянты адабралі ў затрыманых мабільныя тэлефоны. Паводле заканадаўства, без складаньня пратаколаў хлопцаў могуць трымаць у міліцыі ня больш за тры гадзіны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international