За мову - зьбіваюць і затрымліваюць

2009 2009-10-23T10:33:51+0300 1970-01-01T03:00:00+0300 be http://spring96.org/files/images/sources/mf2.jpg

Зьбіраць подпісы ў падтрымку роднай мовы - няўдзячная справа ў нашай краіне. На сабе гэта ўжо адчулі актывісты Баранавіцкай й Карэліцкай філіі "Маладога Фронту".

У чацьвер увечары ў Баранавічах падчас збору подпісаў пад зваротам у абарону беларускай мовы невядомыя людзі зьбілі мясцовых маладафронтаўцаў Максіма Ахрыменка й Юрыя Багдановіча.

"Мы ўдвух зьбіралі подпісы ў мінакоў, як да нас падыйшлі чацьвёра невядомых людзей у цывільным. Яны запыталі, ці мы зьяўляемся маладафронтаўцаўмі, а калі пачулі станоўчы адказ - ударылі нас. Паміж намі ўзьнікла невялікая бойка, праўда, яны хутка зьбеглі", - распавядае Максім Ахрыменка.

Па словах юнака, калі нарад ППС, што патруляваў вуліцу, пабачыў бойку, ППСаўцы павернуліся й пайшлі ў іншы бок.

У Карэлічах міліцыянт затрымаў актывіста "Маладога Фронту" Адруся Ляўковіча за тое, што той зьбіраў подпісы ў кватэрах.

"Міліцыянт, што жыў у гэтым пад'езьдзе, пабачыў мяне зь блянкамі ў руках і выклікаў нарад міліцыі. Напачатку мяне абвінавачвалі ў дробным хуліганстве - што я быццам бы прыставаў да жыхароў, але я патлумачыў, што подпісы людзі ставілі дабраахвотна. У РАЎСе са мною вёў гаворку замначальнік установы. Ён прызнаў, што ў маіх дзеяньнях не было складу правапарушэньня й ня стаў складаць пратакол, але выклікаў маіх бацькоў і правёў прафіялктычную размову зь імі ў стылі БТ - "пакуль ваш сын ня робіць нічога злачыннага, але хутка яго пачнуць вазіць у Менск учыняць масавыя беспарадкі й пагромы", - гаворыць Андрусь Ляўковіч.

Нагадаем, раней падобныя затрыманьні за збор подпісаў у падтрымку беларускай мовы адбываліся ў Менску й двойчы - у Баранавічах.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international