Праблема смяротнай кары аднолькава хвалюе і вядомых драматургаў, і простых студэнтаў (фота)

2009 2009-10-22T16:05:33+0300 1970-01-01T03:00:00+0300 be http://spring96.org/files/images/sources/peramozhcy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Пераможцы конкурсу Сяргей Дзядзюль, Андрэй Карэлін, Вікторыя Старасценка, Міхась Булавацкі

Пераможцы конкурсу Сяргей Дзядзюль, Андрэй Карэлін, Вікторыя Старасценка, Міхась Булавацкі

Сярод творчых працаў, дасланых на конкурс у межах кампаніі “Праваабаронцы супраць смяротнага пакарання ў Беларусі”, “Лепшым літаратурным творам” журы назвала п’есу Андрэя Карэліна “БЛІЦ – С ці ТУТ ТАНЧАЦЬ! (хроніка апошніх гадзінаў)”. “Лепшым публіцыстычным творам” стала эсэ студэнткі юрыдычнага факультэту Інстытута правазнаўства Вікторыі Старасценка.

Прапануем вашай увазе творы пераможцаў.

“Драму Андрэя Карэліна я прачытаў з вялікім задавальненнем. Мне яна спадабалася, нягледзячы на тое, што там усяго тры персанажы… Гэта геніяльна. 15 старонак. Усяго адна ноч перад смяротным пакараннем. Але за гэту ноч разам з героямі п’есы я перажыў цэлае жыццё, іхны лёс”, - падзяліўся сваімі ўражаннямі знакаміты бард і паэт Эдуард Акулін падчас віншавання пераможцы.

Аўтар п’есы зазначыў, што ўзяў удзел у конкурсе па праблеме смяротнага пакарання таму, што яму не ўсё роўна, што адбываецца ў яго краіне.

“Мяне як чалавека, грамадзяніна і творчую асобу вельмі хвалюе пытанне смяротнага пакарання ў краіне, дзе я жыву. З гэтай прычыны 4 гады таму і была напісаная гэтая п’еса. Я лічу, што адзін Бог мае права вырашаць, каму жыць, а каму памерці. І нават калі грамадства лічыць інакш, то гэта не падстава для таго, каб пазбаўляць кагосьці жыцця ”, - сказаў Андрэй Карэлін.

Вікторыі Старасценка падчас цырымоніі ўзнагароды распавяла прысутным, што тэма смяротнай кары яе цікавіць даўно:

“Мне як чалавеку з актыўнай грамадзянскай пазіцыяй цяжка заставацца раўнадушнай да таго, што я ў сілах змяніць. Я не магу вырашаць, хто павінен жыць, а хто паміраць, што добра, а што кепска. Але хоць штосьці я магу змяніць: на пачатку голасна заявіць, што я супраць смяротнага пакарання!”.

Сябра Беларускай Асацыяцыі журналістаў Яніна Мельнікава зазначыла, што свабода слова ў краіне не магчымая без забеспячэння права на жыццё.

“Як журналіст я магу сказаць, што Ваша эсэ мяне насамрэч захапіла. І тыя думкі, якія там былі выкладзеныя на трох старонках, прачыталіся на адным дыханні. Думаю, што гэта не першая і не апошняя Ваша праца, - звярнулася Я. Мельнікава да Вікторыі з віншаваннем. -  І хочацца яшчэ раз адзначыць, што Беларуская Асацыяцыя журналістаў стаіць за свабоду слова, але гэта проста будзе немагчыма, калі не будзе свабоды на жыццё ўсіх людзей – і тых, хто зрабіў дрэнныя крокі, і тых, хто па жыцці ішоў з Богам”.

 

П’еса Андрэя Карэліна “БЛІЦ – С ці ТУТ ТАНЧАЦЬ! (хроніка апшніх гадзінаў)”.

Эсэ Вікторыі Старасценка.

 

Эдуард  Акулін узнагароджвае Андрэя Карэліна
Яніна Мельнікава ўзнагароджвае Вікторыю Старасценка

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international