Ж.-Э.Хольцапфель спадзяецца, што Беларусь увядзе мараторый на смяротную кару

2009 2009-10-21T12:40:26+0300 1970-01-01T03:00:00+0300 be http://spring96.org/files/images/sources/jan-eryk_holcapfel.jpg

Увядзенне мараторыя на смяротнае пакаранне з’яўляецца ключавым элементам для далейшага развіцця ўзаемаадносінаў паміж Еўрасаюзам і Беларуссю. Пра гэта 20 кастрычніка падчас круглага стала, прысвечанага завяршэнню праекта міжнароднай тэхнічнай дапамогі “Спрыянне шырэйшаму ўжыванню міжнародных стандартаў у галіне правоў чалавека падчас адпраўленняў правасуддзя ў Рэспубліцы Беларусь”, заявіў ў размове з Еўрарадыё кіраўнік прадстаўніцтва Еўрапейскай камісіі ў Беларусі Жан-Эрык Хольцапфель.

Жан-Эрык Хольцапфель: “Гэта пытанне, якое павінны вырашаць адпаведныя кіраўнікі Беларусі. Але я магу сказаць, што ўвядзенне мараторыя на смяротнае пакаранне з’яўляецца самым галоўным элементам для таго, каб развіваліся ўзаемаадносіны паміж Беларуссю і Саветам Еўропы. Гэта адно з палажэннеў, выкладзеных у дакуменце 2006 года — так званыя 12 пунктаў”.

Па словах прадстаўніка Еўракамісіі, ў Еўрасаюзе разумеюць, што рашэнне залежыць ад кіраўніцтва краіны, але спадзяюцца, што рашэнне аб увядзенні мараторыя на смяротнае пакаранне будзе прынята ў самы бліжэйшы час.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international