Перагляд “сьмяротнай справы” перанесьлі

2009 2009-10-16T12:45:23+0300 1970-01-01T03:00:00+0300 be http://spring96.org/files/images/sources/budynak_vs.jpg

Вярхоўны суд перанёс на 27 кастрычніка разгляд касацыйнай скаргі асуджаных на сьмяротнае пакараньне і пажыцьцёвае зьняволеньне.

Суд пад старшынствам Валера Кулінковіча задаволіў просьбу абароны адкласьці слуханьні, каб адвакаты змаглі азнаёміцца з матэрыяламі справы.

Суд таксама задаволіў просьбу Андрэя Жука забараніць журналістам здымаць у залі суду.

27 лютага ў Салігорскім раёне былі забітыя два супрацоўнікі сельгаспрадпрыемства “Бальшавік-Агра”, якія перавозілі грошы для заробку працаўнікам. Забойцаў і выкрадальнікаў грошай міліцыя неўзабаве знайшла. Паводле рашэньня Менскага абласнога суду, вінаватымі ў злачынстве прызнаныя Андрэй Жук, Іван Сарокін і Ўладзімер Мароз.

Раней судзімага Андрэя Жука прызналі кіраўніком злачыннай банды і ўдзельнікам забойстваў. Яго выпраўленьне суд палічыў немагчымым і прысудзіў яго да найвышэйшай меры – сьмяротнага пакараньня.

Іван Сарокін атрымаў пажыцьцёвае зьняволеньне.

Уладзімер Мароз правядзе за кратамі 13 гадоў.

Андрэя Жука як асуджанага на сьмерць суд павінен заслухаць асабіста.

Скаргу Івана Сарокіна разгледзяць завочна.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international