Лідэру Гарадзенскай арганізацыі Маладога Фронту Яўгена Скрабутана пагражаюць выключэньнем з унівэрсытэту.

2005 2005-10-12T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Падставай для гэтага сталіся правакацыйныя ўлёткі, распаўсюджаныя ў навучальнай установе ад імя Маладога Фронту.

Пра гэта паведмляе http://www.belngo.info/.Яўген Скрабутан, студэнт 3 курсу беларускай філялёгіі Гарадзенскага дзяржаўнага ўнівэрсытэту нядаўна быў выкліканы да прарэктара па навучальнай працы Тацяны Бадзюковай. Яна паказала хлопцу ўлетку, на якой быў малюнак чалавека ў масцы з рагаткай і надпісам: “Не дазволім запляміць гонар і славу нацыі”. На ўлётцы таксама зьмешчаны нумар мабільнага тэлефону, якім, па словах прарэктаркі, карыстаўся Я. Скрабутан.

“Гэта брудная правакацыя, — кажа маладафронтавец. — Пазначаны нумар быў зарэгістраваны на імя маёй аднакурсьніцы, якая аддала мне SIM-карту. Аднак я даўно яе згубіў і цяпер у мяне абсалютна іншы нумар. Я ня маю ніякага дачыненьня да гэтай улёткі”.

Т. Бадзюкова абвінаваціла студэнта ў распаўсюдзе маладафронтаўскіх улётак, “здрадзе дзяржаўнай моладзевай палітыцы” і ў “тэрарызме”. Яна паабяцала выключыць з унівэрсытэту Скрабутана і ягоных аднакурсьнікаў, якія зьвязаныя з Маладым Фронтам.

Нагадаем, што гэта ўжо другая спроба запалохаць маладафронтаўскага лідэра і выключыць яго з унівэрсытэту па палітычных матывах. Першы раз гэта адбылося ў 2004 годзе. Аднак тады, з дапамогай скаргаў у пракуратуру на незаконныя дзеяньні супрацоўнікаў вышэйшай навучальнай установы, Яўген Скрабутан быў адноўлены.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international