КДБ працягвае цкаванне старшыні Маладога Фронту Зьмітра Дашкевіча

2009 2009-10-06T11:13:26+0300 1970-01-01T03:00:00+0300 be http://spring96.org/files/images/sources/zmicer_dashkevich1.jpg

У Менску зьявіліся партрэты Зьмітра Дашкевіча з заклікам сьцерагчыся "згубіцеля дзіцячых душ".

Наступным крокам па цкаваньні старшыні "Маладога Фронту" Зьмітра Дакшевіча пасьля трансьляцыі па беларускім тэлебачаньні скандальнага фільма "Малады Фронт. Кіднэпінг" стаў распаўсюд партрэтаў моладзевага лідэра.

Як паведамілі відавочцы, увесь Партызанскі праспэкт, у раёне якога жыве Дашкевіч, залеплены каляровымі партрэтамі апазыцыянэра з наступным допісам:

"Паважаныя жыхары! Увага!!! У доме (нумар дома) па Партызанскім праспэкце ў (нумар кватэры) кватэры падпольна пражывае арганізатар псэўдарэлігійнай абшчыны "Малады Фронт", так званы "Зьміцер", які вярбуе ў сваю сэкту падлеткаў і малалетніх дзяцей, замбіруючы іх, падахвочвае іх на зьдзяйсьненьне гвалту.

Паглядзіце на яго фотаздымак, калі пабачыце яго разам з Вашымі дзецьмі, СЬЦЕРАЖЫЦЕСЯ!!! На ягоным сумленьні не адзін дзясятак загубленых дзіцячых душ.

Бацькоўскі камітэт па абароне правоў і свабодаў дзяцей прапаноўвае Вам паглядзець відэафільм "Малады Фронт. Кіднэпінг" (дадзена спасылка).

ДЗЕЦІ - НАШАЯ БУДУЧЫНЯ! БЕРАЖЫЦЕ СВАІХ ДЗЯЦЕЙ, КАЛІ ВАМ НЕ АБЫЯКАВЫ ІХ ЛЁС!"

"Мяркую, што гэта справа рук супрацоўнікаў КДБ, накіраваная на псыхалягічна-маральны ціск, але я такую ўвагу спэцслужбаў расцэньваю як паказчык эфэктыўнасьці дзейнасьці "Маладога Фронту" і сваёй асабістай, - лічыць Зьміцер Дашкевіч.

 

mfront.net

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international